Í framhaldi af skiptiútboði sem haldið var föstudaginn 4. júlí sl. og með vísan til aðalmiðlarasamnings í tengslum við útgáfu ríkisverðbréfa og viðskiptavakt á eftirmarkaði dags. 21. mars 2025, hefur verið ákveðið að hefja viðskiptavakt með RIKS 29 0917 frá og með uppgjörsdegi útboðsins þann 9. júlí 2025. Aðalmiðlarar verða skuldbundnir til þess að setja fram kaup- og sölutilboð fyrir að lágmarki 100 m.kr. að nafnverði í flokkinn. Frá sama tíma verður fyrirgreiðsla í formi endurhverfra viðskipta til hvers aðalmiðlara 2 ma.kr. að nafnverði.

Starfsfólk Lánamála ríkisins veitir nánari upplýsingar í síma 569 9994. Einnig er hægt að senda tölvupóst á netfangið lanamal@lanamal.is.

Í framhaldi af uppgjöri á HFF bréfum ÍL-sjóðs hefur verið ákveðið að efna til skiptiútboðs þar sem eigendum verðtryggða ríkisbréfaflokksins RIKS 50 0915 gefst færi á að skipta yfir í óverðtryggða flokkinn RIKB 32 1015. Áhugasömum er bent á að snúa sér til aðalmiðlara til að taka þátt í skiptiútboðinu.

Þriðji ársfjórðungur 2025

• Á þriðja ársfjórðungi verða boðin til sölu ríkisbréf fyrir 30-40 ma.kr. að söluvirði.
• Flokkar sem mögulega verða boðnir út eru allir markflokkar ríkisbréfa og mun stærð þeirra og markaðsaðstæður ráða því hvort og þá hversu mikið verður selt í hverjum flokki.
• Á fjórðungnum er fyrirhugað að gefa út í verðtryggða flokknum RIKS 29 0917 og er stefnt að viðskiptavakt með flokkinn.
• Möguleiki er á skiptiútboðum á RIKS 26 0216 á fjórðungnum.

3.ársfj.áætlun 2025