Fitch staðfestir A lánshæfiseinkunn ríkissjóðs með stöðugum horfum

15.02.25
Fitch staðfestir A lánshæfiseinkunn ríkissjóðs með stöðugum horfum

Lánshæfismatsfyrirtækið Fitch Ratings hefur birt mat á lánshæfi ríkissjóðs. Lánshæfiseinkunn er óbreytt í A og horfur eru stöðugar. 

Í fréttatilkynningu Fitch segir að A lánshæfiseinkunn ríkissjóðs endurspegli miklar tekjur á mann og góða stjórnarhætti, sem eru sambærilegri við lönd með AAA og AA lánshæfiseinkunn. Til styrkleika teljast verulegar lífeyrissjóðseignir, traust fjármálakerfi og sterkir efnahagsreikningar einkageirans. Rúmur gjaldeyrisforði dregur úr næmni hagkerfisins gagnvart ytri áföllum. Hins vegar halda smæð hagkerfisins og einsleitni útflutnings aftur af einkunninni. 

Aukin tiltrú á markverða og viðvarandi lækkun skuldahlutfalls hins opinbera, meiri leitnivöxtur þjóðarbúsins og/eða vísbendingar um aukna fjölbreytni hagkerfisins sem minnka næmni hagkerfisins gagnvart ytri áföllum gætu haft jákvæð áhrif á lánshæfiseinkunn ríkissjóðs. 

Markverð hækkun skuldahlutfalls hins opinbera, vegna viðvarandi slaka í ríkisfjármálum eða alvarlegt efnahagsáfall, til dæmis vegna skarprar leiðréttingar á fasteignamarkaði, gætu haft neikvæð áhrif á lánshæfiseinkunn ríkissjóðs. 

Sjá nánar á www.stjornarradid.is

Til baka

Aðrar fréttir

18.06.25
Óverðtryggð ríkisbréf
Tilkynning um útboð ríkisbréfa - RIKB 28 1115 - RIKB 38 0215
Flokkur RIKB 28 1115 RIKB 38 0215
ISIN IS0000028249 IS0000037265
Gjalddagi 15.11.2028 15.02.2038
Útboðsdagur 20.06.2025 20.06.2025
Uppgjörsdagur 25.06.2025 25.06.2025
10% viðbót 24.06.2025 24.06.2025

Á útboðsdegi, milli kl. 10:30 og 11:00, fer fram útboð hjá Lánamálum ríkisins á ríkisbréfum í þeim flokkum, með þeim ISIN númerum og með þeim gjalddögum sem fram koma í töflunni hér að ofan. Greiðslur fyrir ríkisbréfin þurfa að berast Seðlabankanum fyrir kl. 14:00 á uppgjörsdegi og verða bréfin afhent rafrænt sama dag. Um 10% viðbótarkaupréttinn gildir 6. gr. í almennum útboðsskilmálum ríkisbréfa.

Að öðru leyti er vísað til lýsingar skuldabréfaflokksins og almennra útboðsskilmála ríkisbréfa á heimasíðu Lánamála ríkisins.

Nánari upplýsingar veitir Oddgeir Gunnarsson, Lánamálum ríkisins í síma 569 9635.
10.06.25
Ríkisbréf
Nýir flokkar ríkisskuldabréfa

Ríkissjóður Íslands mun gefa út níu nýja ríkisskuldabréfaflokka í tengslum við uppgjör ÍL-sjóðs (áður Íbúðalánasjóðs). Eftirfarandi nafnverðsfjárhæðir verða gefnar út:

Flokkur:                      ISIN:                           Nafnverð:

RIKS 29 0917               IS0000037711             67.000.000.000 kr.

RIKS 34 1016               IS0000037737             60.353.539.382 kr.

RIKS 36 0815               IS0000037729             59.000.000.000 kr.

RIKS 39 1115               IS0000037745             49.000.000.000 kr.

RIKS 41 0815               IS0000037760             50.000.000.000 kr.

RIKS 44 1017               IS0000037778             50.313.049.596 kr.

RIKS 47 1115               IS0000037786             48.000.000.000 kr.

RIKS 50 0915               IS0000037794             47.000.000.000 kr.

RIKB 32 1015               IS0000037752             56.000.000.000 kr.

Um ríkisskuldabréfin munu gilda „Almennir skilmálar íslenskra ríkisskuldabréfa“ og „Sértækir skilmálar“ fyrir skuldabréfaflokkana sem nálgast má á heimasíðu Lánamála ríkisins, www.lanamal.is.  Útgáfa í framangreindum skuldabréfaflokkum sem tengist slitum ÍL-sjóðs má fara fram með öðrum hætti en lýst er í 3. gr. í almennum skilmálum íslenskra ríkisskuldabréfa, dags. 5. júní 2025.